Boerseun se waterblommetjie bredie

Soms moet mens eenvoudig net kos maak, en mensig maar 'n waterblommetjie breedie is nie iets waarvoor die boerseun sommer sal nee se nie. Hier volg dus 'n resepie.

Bestandele:
1 Suur Appel (daai groennes)
3 M... Baie groot uie
2 Knoffel huisies
1 Panet Waterblommetjies (iets soos 500g of so)
1kg Lam (skenkel of nek tjops werk lekker)
1kg klein aardappeltjies
1 koppie ertjies
1 hand vol sampejoene in stukke gesny
die sap van een lemmetjie (nie die soort waarmee mens skeer nie)
2 medium grote wynglase vol Riesling
woestersous (moet nou nie mal gaan nie, maar gooi hom lekker)
Sout
Peper
Tai Curry Spice (al drie hierdie na smaak, weereens hou maar eerder matigheid voor oe, as die goet eers in is is daar nie 'n manier jy kry hulle weer uit nie

-So hoe maak mens?
-Kap die uie
-Gooi olie in 'n groot pot, onthou hier moet baie dinge by kom.
-Braai die vleis tot dit lekker bruin begin word en gooi dan die uie by, braai nog so bietjie tot die uie begin verkleur
-Daai knoffel huisies moet ook lekker gekap word, want dit moet nou by gegooi word, en niemand laaik van 'n hap knoffel vat as hulle iets anders verwag nie.
-Jy kan sommer saam met die knoffel die sampejoene ook by gooi.
-Braai tot die uie mooi deurskeinend is.
-Terwyl jy so braai en nie besig genoeg voel met die konstante geroer nie, sny die aardappels in klein blokkies, en die appel in skyfies (na jy die stronk verwyder het)
-Teen die tyd behoort die uie al amper te veel gebraai het, so maak gou en gooi die aartappel en appel by.
-Direk na die appel land voeg die wyn, woestersous, speserye en lemmetjie sap by.
-Kry so om en by 'n derde van die waterblommetjies en sit hulle ook in die pot, hoop maar jy het darm bietjie sout by die bruin proses van die vleis by gegooi.
-laat val die inhoud van 2 koppies water ook in die pot (dit is naastenby 500ml vir die wat nooit hulle ouma se resepte kon uit figure nie)
-Nou kook jy die hele mengsel op LAE hitte met die deksel oo.
-Jy mag maar die deksel so nou en dan af haal om te toets of die aardappel sag is, want sodra dit gebeur moet jy die res van die waterblommetjies by gooi.
-Roer die hele bredie lekker deurmekaar, hook vir nog so paar oomblikke tot die ander nuwer waterblommetjies net gaar is en bedien

Siedaar jy is klaar, Party mense wil bredie op iets bedien, en gelukkig kan jy amper enige iets gebruik as stysel basis, soos: Reid, Mielie reis, stamp koring, stamp mielies, vir die lawwes kan idees soos mielie pap (krummel asseblief ons wil ook nou nie heeltemal simpel voor kom nie) of paste dalk meer gepas voor kom. Hoe dit ook al sy of jy die bredie net so, of op brood eet maak nie saak nie. Maak hom, eet hom, en laat my weet hoe hy geproe het.

Huis Paleis, jou voet dit is 'n Tronk

Vanmiddag skryf die boerseun vir 'n vriend van hom 'n vinnige briefie op die rekenaar (ja Boerseun kan 'n komper dryf) en skielik pak 'n gedagte hom. Nou hy het hierdie gedagte begin stoeim amper soos Jakob destyds met die engel. Net vir die rekord, die been is nie mank van die gestoei nie, maar erns hinkepink 'n paar breinselle.

As jy nou in meeste gegoede, en hier word gegoed baie los gedefinieer, buurte in ons land rond ry, soos mens soms na 11nm doen, sien jy 'n baie interesante verskeinsel. Een of ander regerings amptenaar, of ander man met 'n pen en te veel tyd, het gedink hy is vreeslik snaak. Waar mens kyk sien jy mini gevangenisse. Ses-voet mure staan op aandag in die siekerige geel lig, soos 'n eerbewys aan die karre wat tussen hulle deur sluip. Amper elke muur word bekroon met stekels van die een of ander aard. Die boodskap is duidelik:"hier wil jy nie oor klim nie, nie van binne nie, en ook nie van buite nie!" Hierdie gaan nou nie 'n kla sessie wees oor die styging in misdaad syfers nie, of 'n waarskuwing om jou en jou familie te beveilig nie, want as jy 'n pessimis is is jou dae getel. Het jy geweet, as jy 'n pessimis is gaan jy vroer as die res van ons dood gaan, en daar is net nog 'n rede om meer negatief te wees. Die boerseun wonder sommer maar net of ons nie dalk 'n ander manier kan vind om dinge te doen nie...

Oudshoorn, bokmelk en karate

Laas naweek wat rustig, maar prettig, Swaartjie het so bietjie 'n date met destiny gehad op Oudshoorn, waar hy so paar manne in 'n karate kompitisie moes pak. Die boerseun en sy nooi besluit toe om sommer 'n dag te maak van die storie en kies toe ook sommer koers oor die berg, 'n man moet immers sy familie ondersteun of hoe se ek nou?

Sussie was toe op die ou end ook nie lus vir die heel dag rond sit en wag vir haar man om sy ding te begin doen nie, en dus was ons drie mense opsoek na iets interesants om te doen op oudshoorn. Die probleem is nie dat oudshoorn so gevrek is nie, wel buite kunstefees tye is dit baie stiller, wat immers te verwagte is, maar die dinge wat mens kan doen is oor die algemeen bos duur, of mens weet nie daarvan nie. Daar word toe maar so bietjie romdom die blok gery voor die pad uit die dorp uit die boerseun se oog vang. Sommer so het 'n lekker avontuur begin, want die Getz was nog nie eers uit die dorp nie of Sussie roep halt, sy het 'n verbuiging vir die woord chocolate gesien...

O ja Saterdag was 'n vakansie dag, maar vandag Boertjie nie meer vir 'n baas werk nie weet hy mos nie daar bestaan sulke dinge nie, alle dae kan daar gewerk word, en as dit regtig nodig is kan enige dag in 'n vakansie dag omskep word, en vakansie dae op saterdae tel anyway nie. So ja die reeds stil dorpie was dood stil. Die klokie is gelui en daar is gewag, maar niemand wou vir ons maats 'n deur of 'n hek oop maak nie. Rooi het begin ongeduldig raak, net toe hy omdraai om terug te klim en verder te ry, loer 'n oomie oor agter die huis muur uit.

Die oom se vrou is eintlik die een wat die werk doen, maar sy was nie daar nie, so hy het so goed moontlik vir ons verduidelik van die proses, dit was heel oulik, maar die grootste aandeel in ons dag se sukses is die kaartjie wat hy toe vir ons drie kamerade gee. Kan jy nou meer 'n vier stop toer hier in die klein karoo. Klaarblyklik het 4 verskillende besigheidjies saam gespan om vir ons een wondelike toer te vorm. By elke punt is daar dinge om te sien, grais en verniet, en meestal dinge om te proe ook, en as jy die toer klaar gemaak het kry jy 'n spesiale geskenkie by jou laaste stop, so daar moet gefokus word om seker te maak dat elke besigheid sy kolletjie op ons kaartjie plak.

Na ROCOCO la chocolaterie val die toergroepie in by Tantinkie die kaas mense, soos in bokmelk kaas en bokmelk yoghurt en roomys. Die gegeurde kase kan gaan, maar die roomys het net te veel na bok geproe vir die boerseun, selfs onder die anys uit. Een ding moet wel genoem word, die tannie mag maar 'n stukkie gorgonzola aan mekeer weef. As jy dus vanplan is om kunste fees toe te gaan, koop baie salty cracks en maak 'n draai by Tantinkie in Langenhoven straat, dis nou die straat net soos jy in Oudshoorn in ry van George se kan af, net ander kant die brug.

Die volgende stop was MOOOI, dit is 'n baie oulike kuns gallerytjie met allerhande vreemde dinge rondom die geboutjie, mens kan ook 'n maar dingetjies koop om te hap of om jou dors te les. Maak verseker hier 'n draai, buiten dat jy jou plakker gaan kry is die kuns iets uniek en vars. Daar is maar vinnig deur gewaai, want die laaste stop wat 'n stewige stukkie se jy weg gewees. O ja as jy mooi soek, soek die jamstreet bordjie, jy gaan nie MOOOI sien nie.

Boerseun het gesmyt op die grondpad na Grundheim toe, want tyd was min. Tenspyte van die gejaag het die avontuuruurs voor 'n toe deur testaan. Die Doggie van De Aar het amper besluit dat dit tyd is om te gaan toe die deure oop gegooi is, en daar is gesien hoe werk die 2.5 maande proses om 'n lekker moeder tenk witblits te stook, waarna daar aan al wat witblits en brandewyn en likeur geproe is. Doen jouself 'n guns, vat so soopie van die brandslag, hy werk vir jou moooi. Die tannie was woes vriendelik en sommer lekker lus vir kuier, te gou moes daar afskeid geneem word. Almal het lekker drankies gekoop, en so is dit toe na die karate kompitisie toe.

Al wat ek kan se is Swaartjie vat nie nonsens nie, die man was op die ou einde van die dag 2de, en die laaste stryd was goed opwindend.

Nou toe tot 'n volgende keer

Rond Jaag

Die boerseun het laas naweek maar soos 'n mal mens rond gejaag.

Die stories is nie regtig so opwindend nie, Vrydag aand was die sportman van die jaar funksie, wat 'n fees was, al hoe wel die blonde bom bouer uit die groener deel van Afrika uiters spyt is dat Jean de Villiers nie die geleentheid kon by woon nie, laas genoemde is ook genomineer, en Boerseun wou hom noggals graag ontmoet het.

Saterdag oggend is daar weer inderhaas terug gesnel George toe, want dien rooigrond moes bietjie timmer werk kom doen op sy tuis dorp. Nee nie hout timmer werk nie, hierdie is die tipe timmer werk waarvoor mens handskoene en ander beskerming aan trek en hoop vir die beste. Ongelukkig, of dalk gelukkig, het die laaste maand se intense gym aksies nie hom nie ligter gemaak nie, so die boerseun moes saam met die GROOT manne op die vloer spring en dinge uit spook.

Die een oomblik wat vir groot opwinding kon sorg is juis met die terug jaagery, so net voor Paarl kom daar 'n parmantige skinhead in sy nuwe wit merc slk kompressor ding van agter op die wit, minder vinnige getz af gepyl. Die getz is nie die vinnigste modus van transport nie, maar heng dit is darm vinniger as die skadonk in die ander baan! So word daar die nodige ligte gevlikker, en stert ry toe gepas, en wonder bo wonder neem Rooi nie die stuur oor en rem skerp nie. Die mannetjie, wat duidelik vir iets kompenseer, het by die eerste geleentheid om die Boerseun en Doggie geskiet, hulle van die pad af traai druk, en toe voor hulle in gesny. Dit is nou net hier wat Rooi wakker geword het en besluit het dat niemand hom van gin nikse pad gaan af druk nie. Nuwe merc, cheap getz, maak maar jou sommetjies. Wel Kaalkoppie slaa toe woes remme aan, soos 60km/h toe, herhaaldelik. Rooi was niks gelukkig hier mee nie, maar al wat hy kon kry was 'n lee sap boksie, en dit was nie voldoende nie. Daar is verwoed in die karretjie rond gekrap, en uit eindelik vind 'n baie befoeterde Rooi 'n hand vol kleingeld. Nou moet julle seker kan dink wat so hand vol sente aan 'n nuwe sport motor se verf werk gaan doen, en wat dit aan die herverkoop waarde van die speel ding sal doen. Rooi glimlag diep by homself by hierdie gedagte. Boerseun hou beangs asem op. Doggie lyk gedetermineerd. Die lepel word getrap. Maar heel laas ou Koppie is 'n sigener of iets van uit hades uit, want op daardie oomblik gooi hy daai doodskissie van hom so hard laat hy teen 'n on haalbare spoed oor die horison verdwyn. Seker ook maar goed so, want vir die volgende half uur het Rooi gewonder wat hy sou doen as hy in sy groot bakkie wat en iemand so voor hom traai briek...

Met die ry is die plan om permanent 'n bank sak met R50 se 5c munte saam te piekel toe ook laat vaar. Rooi het weer terug geplots na sy grot toe en Boerseun het toe maar die res van die bestuur tot op Buffeljags gedoen. Waar is die buffels, of het die mense net gejag?

Arch Rock Kamp

Kyk jy weet mos nou al teen hierdie tyd dat die blonde boerseun soms terug moet keer na sy meer primitiewe self toe, en met sulke geleenthede word daar noodwendig bietjie weg gebreek uit die geharwar van die dorps lewe. Nou moet ons mekaar nie verkeerd verstaan nie, Boerseun hou van dorps lewe, veral van gaan surf vroeg in die oggend en na werk. Daar is nou nie planne van 'n plottjie erns nie, maar tog, soms moet mens maar net weg breek. So word daar toe met baie beplanning besluit om by Arch Rock op Plettenberg baai te gaan kamp.

Aanvanklik was die plan om redelik spy te gaan en sommer so paar honderd meter teen die rivier op te stap en daar in 'n natuurlike grot of 'n dink kamp op te slaan. Die Doggie van De Aar het ongelukkig hierdie plan geveto, en dus is daar op nommer 99.98 besluit om eerder in die amptelike kampterrein te bly.

So daag vrydag 27 Februarie redelik ongesiens op. Die dag het geen afwagting met die oggend son kom af lewer nie. Boerseun het eintlik so bietjie onwillig begin voel oor die hele tent slaap storie, maar Rooigrond het ander planne gehad. Vir die wat nie weet nie, Rooigrond is die blonde boerseun se alter-ego, wilder, rowwer, aardser en soms net plein meer pret. Die kamp ding gaan groot wees, en nee die reen gaan ons nie ongelukkig maak nie, reen watse reen?

Doggie moes nog bietjie pak en haar kar by die werkswinkel gaan haal, so die boersoen het gevoel dat daar nog meer as genoeg tyd sou wees om al die nodige pak dinge te hanteer, en dus het die tyd redelik vinnig begin min word. So die kamp se mense in gou gebel om seker te maak dat die hek darm oop gemaak kan word, want sien dit gaan laat wees voor ons daar aan kom. Tent, o die tent. Boerseun het gereel dat hulle sy suster se tent geleen sal word vir die naweek se pret, Jo het sy eie tent so hulle is geholpe. Daar was skielik nie 'n tent nie. Boerseun se bronne het by die een of ander skou tent vas gehaak, en Swaartjie kon nie uit help nie, want in die woonstel was daar nie tente of opblaas matrasse tevinde nie. Terug by die huis, na die groot soek vers twee het die blonde man van afrika toe wel 'n bultende sak vol tent dinge gevind, mooi opgerol en in die oorspronklike verpakking en karton. Die opblaas matrass is ook gevind. een van daai luukse blou nommertjies wat mens destyds op infomertials gesien het, daai wat rondom middernag soos 'n goeie idee begin lyk.

Alles is gepak en buite die huis in 'n hoop gebere, toe wag ons vir Jo. Hy het op gedaag, maar voor dit het rooigrond eers bietjie die puls uit gestuur om darm net seker te maak dat die man nie in die George onderdorp gekaap is of iets nie. Die surfboards is op die dak vas gestrap, en daar is maar mooi gepak, want slaapsakke kussings klere spies geweer vis stokke en dies meer moes als in die corola gepas word. Die trippie was sonder vreeslik baie opwinding, die pad is net net nie lank genoeg om lang pad te wil wees nie, en nie kort genoeg om sommer net gery te word nie. Dit was besig om vinnig donker te word.

Jy moet die tweede afdraai vat na keurbooms strand toe, nie keurboom rivier toe nie. Die kaartjie werk nie so mooi saam nie, gelukkig is Doggie se waters redelik akuraat soos die kamppers nog so paar keer sou moes besef. Die kamp oomie het ons sommer net laat in gaan en mooi gewys in watter rigting ons maar moet soek vir 'n oop staan plek. Daar is voornemens gewees om die volgende dag beskikbaar te wees sodat ons vriende die nodige betalings kon maak, maar heel laas dit sou nie gebeur nie.

Daar is gewik en geweeg en geweeg en gewik en einde laas is 'n baie oulike plekkie gevind. Boerseun was met alle mag en meening oppad om die 1983 tentopslaan rekord aan vlarde te skeur, die proses het mooi geloop, die dome tentjies werk lekker, as iemand net nie halfpad deur die opslaan wil weet waar die tent seil is nie. Jy weet watter seil ek van praat, ja daardie seil, die een wat mens gebruik om te probeer om nie nat te reen nie. Daar is die wereld vol gebel, maar niemand weet enige iets van seile nie, dit het gevoel soos 'n politieke beraad, dit is almal se fout behalwe die huidige spreker sin. Rooigrond het besluit dat die seil nou maar moet gaan speel op die hoof weg of iets, met 'n bietjie kopkrap is die mees waarskeinlike rigting van reen bepaal en die opblaas metras is onopgeblaas gebruik as semi seil, as 'n ding lug kan in hou kan dit seker darm ook water uit hou nie waar nie. Die kamp terrein is baie posh, so mens het selfs 'n swart drom (of 'n gryse in hierdie geval) met 'n swartsak op die koop toe gkry. swartsakke kan gesny word en met so bietjie kroek is die ander kant van die tent ook semi waterbestand gemaak (soos daardie horlosies wat jy as kind gekoop het wat 100m water bestand is, en as jy hom perongeluk in die stort aan het is hy stukkend).

Aand ete was 'n wenner, almal wat saam gaan kamp het het 'n drink dingetjie saam geneem en nie kos nie, wel Boerseun het 3 hoender sosaties en 'n pakkie maalvleis saam geneem vir die geleentheid. Daardie hoender sosaties kan mens lekker braai, en dit is baie sappig en doek sag, soos Doggie graag se. Hierdie keer is die sosaties egter nie gebraai nie. een koppie muskadel, 3 hoender sosaties en een pakkie maalvleis, 'n kwart potjie peperkorrels (heel want die grind sukkel en vat te lank) en siedaar 'n vleis pot word gemaak. Vleis pot op wat, vra jy. Op niks se ek jounet soos jy hom sien so eet jy hom, en hy is lekker, baie lekker. Beste vleis en groente gereg ooit.

Daar is lekker om die vuur gekuier en glasies geklink. Voor slapens tyd moes daar darm ook bietjie gestap word om die vleis magies so bietjie ligter te maak. Dit is iets onbeskryflik gewees, fosfor die wereld vol, as jy hard trap skitter jou voetspore. Die seegras wat met springlaag oral op die rotse gesit het was so vol van die fosfor dat jou fingers lig strepe op die rotse kon teken. Asemrowend, onbeskryflik. Slaap moes een of ander tyd gebeur, en dit het toe ook. Dit het nag geword en dit het amper more geword en die shack tent se mense het nie regtig geslaap nie.

Lig dag kon nie vinnig genoeg vir Rooigrond kom nie, en toe dit kom kom die reen ook sommer saam. Die shack tent is vinniger af geslaan as wat jy 'n betoging op 'n bou site kan reel. Als is sommer so in Jo se tent in gegooi, hy was nog nie eers goed wakker nie.

Die dag het bestaan uit soek vir 'n tent, tent seil of een of ander ander seil wat mens vir tent maak sou kon gebruik. Tussen deur is 'n plaas markie op horings geneem, pick and pay geraid vir iets wat soos kos mag lyk, maar ook net vir middag ete, want daar moet nog aas gevind word en vis geskeid word. Ek wil nou nie iemand in die gesig vat nie, maar as dit nie vir Jo was nie sou die dametjie by Penny Pinchers nie skuins voor een besef het dat mens soms plastiek gebruik om huise waterdig te help maak nie. Doggie van duckt tape, en Rooigrond van regte toue.

Daai is gebou en beplan soos in die ou dae en daar staan toe 'n nuwe beter shack tent, dit het gereen en gewaar en toe nog so bietjie gereen, en die tent het vas gestaan. Ons sal probeer om so paar fotos by te voeg.

Saterdag middag en sondag was baie lekker, daar was geen manier om die vis te sien nie, die water was te vuil, so monster mossels is uit gehaal. Volgende keer sal ons die vissies skiet!